Аб удзеле Пасла Беларусі А.Панамарова ў адкрыцці выставы «Канструма»
07.10.2020 г.7 кастрычніка 2020 г. падчас цырымоніі адкрыцця 39-й будаўнічай выставы «Канструма» Надзвычайны і Паўнамоцны Пасол Рэспублікі Беларусь у Венгрыі Аляксандр Панамароў наведаў экспазіцыю «Беларускай цэментнай кампаніі».
Удзел буйнога беларускага холдынгу ў спецыялізаванай выставе ў Будапешце, нароўні з іншымі 156 кампаніямі з шэрагу краін Еўропы, праграма перамоў на выставе пацвярджаюць узаемную цікавасць бізнэс-колаў Беларусі і Венгрыі да дзелавога супрацоўніцтва ў будаўнічым сектары.
На палях мерапрыемства А.Панамароў таксама правёў гутарку з дзяржаўным сакратаром, якая курыруе пытанні будаўніцтва ў Міністэрстве інавацый і тэхналогій Венгрыі, Анітай Бораш. Бакі пагадзіліся актывізаваць працу па стварэнні працоўнай групы па супрацоўніцтве ў будаўнічай сферы. Рашэнне аб стварэнні такой групы было прынята на пасяджэнні міжурадавай камісіі па эканамічным супрацоўніцтве ў маі 2020 года.