Аб сустрэчы Пасла У.Улаховіча ў Даследчай сетцы ім. Л.Этвёша
09.11.2022 г.9 лістапада 2022 г. Надзвычайны і Паўнамоцны Пасол Рэспублікі Беларусь у Венгрыі Уладзімір Улаховіч сустрэўся з кіраўніком кабінета па міжнародных справах Даследчай сеткі ім. Л.Этвёша Дзюлай Шумегі.
Суразмоўцы абмяняліся думкамі аб развіцці навукі ў Беларусі і Венгрыі, абмеркавалі перспектывы і магчымасці ўзаемадзеяння паміж Нацыянальнай акадэміяй навук Беларусі і Даследчай сеткай ім. Л.Этвёша, намецілі патэнцыйныя галіны супрацоўніцтва паміж акадэмічнай і навуковай супольнасцю дзвюх краін. Дасягнута дамоўленасць аб падтрыманні рабочых кантактаў, а таксама прапрацоўцы прыярытэтных напрамкаў сфер двухбаковага ўзаемадзеяння, у тым ліку ў фармаце сумесных навуковых мерапрыемстваў.
