Аб удзеле Пасла Беларусі ў Венгрыі ў пасяджэнні Групы дружбы “Венгрыя-Беларусь” у Парламенце Венгрыі
18.03.2019 г.18 сакавіка 2019 года Пасол Рэспублікі Беларусь у Венгрыі Аляксандр Панамароў наведаў Дзяржаўны сход Венгрыі, дзе прыняў удзел у пасяджэнні Групы дружбы «Венгрыя — Беларусь» у венгерскім парламенце на чале з яе старшынёй, віцэ-спікерам парламента Шандарам Лежакам.
У ходзе сустрэчы бакі абмеркавалі перспектывы развіцця двухбаковага супрацоўніцтва і магчымую ролю груп дружбы ў парламентах абедзвюх краін у далейшым пашырэнні палітычных, эканамічных кантактаў, турыстычнага абмену паміж Беларуссю і Венгрыяй.
Адбыўся абмен думкамі пра актуальныя пытанні міжнароднага і рэгіянальнага парадку дня.
