Аб удзеле ў выстаўке «Аграмашэкспа»
23.01.2020 г.21 студзеня 2020 г. на палях міжнароднай выставы «Аграмашэкспа» адбылася рабочая сустрэча Пасла Беларусі ў Венгрыі А.Панамарова з Міністрам сельскай гаспадаркі Венгрыі І.Надзем.
Бакі абмяняліся першымі ацэнкамі вынікаў двухбаковага ўзаемадзеяння ў сферы сельскай гаспадаркі, абмеркавалі падрыхтоўку мемарандума аб супрацоўніцтве паміж кампетэнтнымі міністэрствамі Беларусі і Венгрыі, а таксама планы сумеснай работы на 2020 год.
Міністр сельскай гаспадаркі І.Надзь станоўча ацаніў беларускую экспазіцыю і з цікавасцю азнаёміўся з трактарамі BELARUS 742.7, BELARUS-923.7, паказанымі ў Венгрыі ўпершыню.
ТАА «Беларус Трактор», якое разам з мясцовымі дылерамі не першае дзесяцігоддзе прасоўвае беларускія трактары на венгерскім рынку, было ўзнагароджана ганаровай граматы Міністэрства сельскай гаспадаркі.
Па традыцыі на беларускім стэндзе ў Будапешце прадэманстравана шырокая лінейка трактароў і навяснога абсталявання ААТ «Мінскі трактарны завод », ААТ «Бабруйскі завод трактарных дэталей і агрэгатаў», ААТ «Смаргонскі агрэгатны завод», ААТ «Бабруйскаграмаш».