Аб сустрэчы Пасла Беларусі А.Панамарова ў штаб-кватэры Нацыянальнай паліцыі Венгрыі
10.01.2022 г.10 студзеня 2022 г. адбылася сустрэча Надзвычайнага і Паўнамоцнага Пасла Рэспублікі Беларусь у Венгрыі Аляксандра Панамарова з намеснікам Камісара Нацыянальнай паліцыі Венгрыі Янашам Кучыкам, які таксама адказвае за пытанні аховы граніц.
Падчас сустрэчы бакі дэталёва абмеркавалі актуальную міграцыйную абстаноўку ў Беларусі і Венгрыі, а таксама абмяняліся інфармацыяй аб мерах, што прымаюцца пагранічнымі ведамствамі дзвюх краін у мэтах урэгулявання сітуацыі з нелегальнай міграцыяй.
Да венгерскага боку даведзена падрабязная інфармацыя аб развіцці сітуацыі з міграцыйным крызісам на граніцах Беларусі і Еўрапейскага саюза, агучана гатоўнасць беларускага боку да далейшага інфармацыйнага абмену на прафесійнай і палітычна непрадузятай аснове.
Дасягнута дамоўленасць аб аднаўленні сумеснай работы ў рамках Мемарандума аб узаемаразуменні паміж Дзяржаўным пагранічным камітэтам Рэспублікі Беларусь і Паліцыяй Венгрыі, падпісанага ў верасні 2018 года.