Аб інфармацыйным мерапрыемстве ў Пасольстве Беларусі ў Венгрыі
11.11.2022 г.11 лістапада 2022 г. у Пасольстве Рэспублікі Беларусь у Венгрыі адбылося інфармацыйнае мерапрыемства, прымеркаванае да Года гістарычнай памяці.
Падчас дыскусіі Надзвычайны і Паўнамоцны Пасол Рэспублікі Беларусь у Венгрыі Уладзімір Улаховіч праінфармаваў гасцей Пасольства аб рабоце ў краіне па недапушчэнні фальсіфікацыі гісторыі, па фарміраванні аб'ектыўных адносін грамадства да гістарычнага мінулага, па захаванні і ўмацаванні адзінства беларускага народа.
Бакі абмеркавалі актуальныя пытанні ўнутрыпалітычнага і міжнароднага парадку дня, планы па далейшым развіцці двухбаковага дыялогу з акцэнтам на дзелавыя і гуманітарныя сувязі.
Падчас мерапрыемства з прэзентацыяй новай кнігі “Лёсы жанчын – лёс адзінай Беларусі” выступіла аўтар, Заслужаны дзеяч культуры Рэспублікі Беларусь, аглядальнік БелТА А.Т. Грышкевіч.