Аб візіце дэлегацыі будаўнічай галіны ў Венгрыю
22.11.2022 г.21-22 лістапада 2022 г. дэлегацыя беларускіх прадпрыемстваў і арганізацый будаўнічай галіны наведала Венгрыю з дзелавым візітам, які арганізаваны Саюзам будаўнікоў Рэспублікі Беларусь ва ўзаемадзеянні з венгерскімі партнёрамі пры садзейнічанні Пасольства Беларусі ў Венгрыі.
Падчас візіту праведзена грунтоўная сустрэча з кіраўніцтвам Нацыянальнай федэрацыі венгерскіх будаўнічых падрадчыкаў "ÉVOSZ" (г.Будапешт), у ходзе якой абмеркаваны магчымасці і перспектывы профільнага ўзаемадзеяння, у тым ліку ў рамках двухбаковай рабочай групы.
Арганізавана наведванне дэлегацыяй рэгіёна Дзёр-Мошон-Шопрон, у ходзе якога адбылося сумеснае дзелавое мерапрыемства з Прамысловай асацыяцыяй г.Машонмадзьяравар пры ўдзеле Гандлёва-прамысловай палаты акругі і зацікаўленых прадпрыемстваў рэгіёну, а таксама наведванне буйнога вытворцы жалезабетонных канструкцый — кампаніі «Leier».
У Пасольстве Рэспублікі Беларусь у г.Будапешце для дэлегацыі арганізавана бізнес-сустрэча, прысвечаная актуальным магчымасцям венгерскага будаўнічага рынку і ўмовам двухбаковага ўзаемадзеяння ў гэтай сферы. З венгерскімі кампаніямі, якія прадстаўляюць шырокі спектр напрамкаў у будаўніцтве і сумежных галінах, праведзены В2В-перагаворы і дасягнуты канкрэтныя дамоўленасці аб далейшым узаемадзеянні.
З улікам назапашанага вопыту супрацоўніцтва ў галіне паставак будаўнічых матэрыялаў і аказання паслуг візіт беларускай дэлегацыі пацвердзіў актуальнасць будаўнічай тэматыкі ў двухбаковых адносінах і ўзаемную цікавасць да развіцця гэтага напрамку.