Аб сустрэчы Пасла Беларусі з дырэктарам Мемарыяльнага цэнтра Халакоста г.Будапешта
26.08.2022 г.25 жніўня 2022 г. Надзвычайны і Паўнамоцны Пасол Рэспублікі Беларусь у Венгрыі Уладзімір Улаховіч сустрэўся з новым дырэктарам Мемарыяльнага цэнтра Халакоста г.Будапешта Андрашам Зіма.
Пасол Уладзімір Улаховіч праінфармаваў суразмоўца аб шырокамаштабнай рабоце на заканадаўчым і выканаўчым узроўнях у сувязі з аб'яўленнем у Беларусі 2022 года Годам гістарычнай памяці, а таксама аб дзейнасці Генеральнай пракуратуры Рэспублікі Беларусь па расследаванні факта генацыду беларускага народа ў час Вялікай Айчыннай вайны і ў пасляваенны перыяд.
Падчас сустрэчы бакі абмеркавалі перспектыўныя напрамкі і абазначылі праекты ўзаемадзеяння паміж Мемарыяльным цэнтрам Халакоста г.Будапешта і беларускімі партнёрамі. Пагадзіліся ў важнасці працягу сумеснай працы ў мэтах захавання гістарычнай праўды і ўвекавечання памяці ахвяр Халакоста, пацвердзілі адкрытасць да далейшага дыялогу, дамовіліся прадоўжыць працоўныя кантакты.
