Аб прэзентацыі ў Венгрыі турыстычнага патэнцыяла Беларусі
13.02.2018 г.12 лютага 2018 г. у Пасольстве Беларусі ў Венгрыі прайшла арганізаваная сумесна з беларускай турыстычнай кампаніяй “Travel” прэзентацыя турыстычных магчымасцей Беларусі. У мерапрыемстве ўзялі ўдзел прадстаўнікі венгерскага турыстычнага бізнэсу, а таксама супрацоўнік дэпартамента турызму венгерскага знешнепалітычнага ведамства.
Саветнік Пасольства А.Аўраменка паведаміў прысутным пра беларуска-венгерскае ўзаемадзеянне ў галіне турызма, магчымасці існуючага бязвізавага рэжыму ўезду ў нашу краіну.
Дырэктар кампаніі “Travel” Л.Хмяльніцкая прадставіла прэзентацыю «Беларусь — цудоўная незнаёмка ў цэнтры Еўропы», распавяла пра гісторыю і культуру нашай краіны, яе турыстычны патэнцыял, уключаючы агра- і спартыўны турызм, звярнула асаблівую ўвагу на помнікі архітэктуры, фестывалі і традыцыйныя святы, цікавыя для замежных турыстаў.
Удзельнікі сустрэчы таксама азнаёміліся з фотавыставай “Спадчына Беларусі”, якая экспануецца на плоце Пасольства.
Падчас мерапрыемства былі распаўсюджаны інфармацыйныя матэрыялы па турыстычным патэнцыяле Беларусі, праведзены перагаворы з зацікаўленымі венгерскімі кампаніямі.
