Аб удзеле Пасольства ў штогадовым дабрачынным дыпламатычным кірмашы пад патранатам жонкі Прэзідэнта Венгрыі Жужанны Надзь

16 лістапада 2025 года ў выставачным цэнтры «Бальна» (г. Будапешт) у 14-ы раз адбыўся арганізаваны пад патранатам жонкі Прэзідэнта Венгрыі Жужанны Клубам жонак дыпламатаў Будапешта (Diplomatic Spouses of Budapest) штогадовы дабрачынны дыпламатычны кірмаш.

 У мерапрыемстве прынялі ўдзел каля 30 дыпламатычных місій, акрэдытаваных у Венгрыі, у тым ліку прадстаўніцтвы Беларусі, Казахстана, Польшчы, Харватыі, Кіпра, Кітая, В'етнама, Тайланда, Індыі, Інданезіі, Ірана, Амана, Марока, Мексікі, Аргенціны, Манголіі, Пакістана, Турцыі, Японіі, Нігерыі і іншых краін. 

Пасольства Беларусі прадставіла стэнд з прадукцыяй 8 нацыянальных вытворцаў: ААТ «Савушкін прадукт», СП «Санта-Брэмар», ААТ «Берасцейскі пекар», ААТ «Белалка», ААТ «Прыдзвінне», ААТ «Лідскае піва», ААТ «Мінскі завод ігрыстых він». Увазе гасцей мерапрыемства былі прадстаўлены малочныя, рыбныя, кандытарскія, пякарныя вырабы, алкагольныя і безалкагольныя напіткі. 

Беларуская прадукцыя карысталася вялікім попытам сярод удзельнікаў і наведвальнікаў кірмашу, стэнд прыцягнуў рэкордную колькасць наведвальнікаў. Уся прадукцыя была імкліва рэалізавана. 
Удзел Пасольства ў кірмашы атрымаў самую высокую адзнаку сярод арганізатараў, наведвальнікаў і высокіх гасцей. Мерапрыемства ў чарговы раз пацвердзіла, што беларуская прадукцыя — гэта знак якасці. 

Венгерская грамадскасць, прадстаўнікі дыпламатычных і дзелавых колаў, а таксама СМІ праявілі вялікую цікавасць да кірмашу, асабліва да беларускага стэнда. Беларускія прадпрыемствы атрымалі дадатковы імпульс у папулярызацыі сваёй прадукцыі. Венгерскія спажыўцы нязменна пацвярджаюць высокі попыт на беларускія тавары і з нецярпеннем чакаюць моманту, калі беларуская прадукцыя зможа безбар'ерна паступаць на венгерскі рынак і быць прадстаўлена ў гандлёвых сетках Венгрыі.

Усе атрыманыя сродкі перададзены арганізатарамі на дабрачынныя мэты — у адрас дабрачынных фондаў: Egymásért Gemma Sportegyesület — Szeged (падтрымка дзяцей і маладых людзей з асаблівасцямі развіцця), Dévai Szent Ferenc Alapítvány (падтрымка дзяцей, якія маюць патрэбу ў жыллі), Szolnoki Kézműves Körét Alapítvány (захаванне рэгіянальнай культурнай спадчыны і народнага мастацтва).

Версія для друку