Аб урачыстых мерапрыемствах 7 красавіка 2025 г. і прамежкавых выніках ваенна-мемарыяльнага напрамку працы Пасольства

7 красавіка 2025 г. адбыўся шэраг урачыстых мерапрыемстваў, прысвечаных святкаванню 80-й гадавіны Перамогі над фашызмам.

Пасол Рэспублікі Беларусь у Венгрыі Уладзімір Улаховіч прыняў удзел у цырымоніі ўскладання вянкоў да помніка савецкім воінам на плошчы Свабоды ў Будапешце з нагоды 80-годдзя поўнага вызвалення Венгрыі ад нацызму. 

Затым ў Расійскім культурным цэнтры ў Венгрыі кіраўнікамі Пасольстваў Беларусі, Расіі, Казахстана, Азербайджана і Кыргызстана быў падпісаны Мемарандум аб узаемадзеянні па ваенна-мемарыяльных пытаннях. Бакі дамовіліся аб сумеснай ваенна-мемарыяльнай дзейнасці, прадаўжэнні супрацоўніцтва ў сферы падтрымання парадку месцаў пахаванняў савецкіх воінаў, помнікаў, мемарыяльных комплексаў, устанаўлення персанальных звестак і месцаў пахаванняў воінаў і грамадзянскіх ахвяр вайны, якія загінулі на тэрыторыі Венгрыі, а таксама ў сферы захавання гістарычнай памяці.

• 19 студзеня 2025 г. Надзвычайны і Паўнамоцны Пасол Рэспублікі Беларусь Уладзімір Улаховіч прыняў удзел ва ўрачыстым мерапрыемстве, прысвечаным 80-годдзю вызвалення яўрэйскага гета г. Будапешта войскамі Савецкай Арміі.
• 9 лютага 2025 г. супрацоўнікі Пасольства прынялі ўдзел у цырымоніі ўскладання вянкоў на могілках Фаркашрэці ў даніну памяці загінуўшых у барацьбе з фашызмам венгерскіх ваеннаслужачых Будайскага добраахвотніцкага палка.
• 13 лютага 2025 г. Пасол Уладзімір Улаховіч прыняў удзел у цырымоніі ўскладання вянкоў на плошчы Свабоды, прымеркаванай да 80-годдзя вызвалення Будапешта ад фашысцкіх захопнікаў.
• 20 лютага 2025 г. Пасол Уладзімір Улаховіч і супрацоўнікі Пасольства прынялі ўдзел у цырымоніі ўскладання вянкоў да помнікаў на плошчы Свабоды і на могілках Керапешы з нагоды Дня абаронцаў Айчыны і Узброеных Сіл.
• 12 сакавіка 2025 г. Пасол Уладзімір Улаховіч сумесна з супрацоўнікамі Пасольства Расіі і кіраўніцтвам адміністрацыі г. Соб прыняў удзел у цырымоніі ўрачыстага адкрыцця пасля рамонту савецкіх воінскіх пахаванняў у г. Соб.
• 21 сакавіка 2025 г. супрацоўнікі Пасольства прынялі ўдзел ва ўрачыстых цырымоніях ускладання вянкоў савецкім воінскім пахаванням у н.п. Патак і Надзьбаркань.
• 5 красавіка 2025 г. Пасол Уладзімір Улаховіч і супрацоўнікі Пасольства прынялі ўдзел ва ўрачыстай цырымоніі ўскладання вянкоў да Помніка савецкім воінам на плошчы Свабоды ў Будапешце па запрашэнні Венгерскай працоўнай партыі і венгерскіх антыфашысцкіх арганізацый, прымеркаванай да 80-годдзя Вызвалення Венгрыі.

Беларусь памятае. Мы памятаем.

Версія для друку