Аб інфармацыйным мерапрыемстве ў Пасольстве Беларусі ў Венгрыі
03.05.2023 г.3 мая 2023 г. у Пасольстве Рэспублікі Беларусь у Венгрыі адбылося інфармацыйнае мерапрыемства, прымеркаванае да Года міру і стварэння.
Падчас дыскусіі Надзвычайны і Паўнамоцны Пасол Рэспублікі Беларусь у Венгрыі Уладзімір Улаховіч праінфармаваў гасцей Пасольства аб рабоце, якая праводзіцца ў Беларусі ў бягучым годзе з улікам аб'яўлення яго Годам міру і стварэння. Напярэдадні Дня Перамогі абмеркавалі таксама важнасць захавання і ўмацавання адзінства, фарміравання аб'ектыўных адносін да гістарычнага мінулага.
Бакі абмяняліся думкамі па актуальных пытаннях унутрыпалітычнага і міжнароднага парадку дня, абмеркавалі планы па далейшаму развіццю двухбаковага беларуска-венгерскага дыялога, у тым ліку з улікам дамоўленасцей па выніках візіту Міністра замежных спраў Рэспублікі Беларусь С.Ф. Алейніка ў Венгрыю 11-12 красавіка 2023 г.
